--- title: "Шукай Сваё | Biaz Nazvy" description: "Explore the complete lyrics for \"Шукай Сваё\" by Biaz Nazvy. Album contains 9 songs with full lyrics." canonical_url: "https://biaznazvy.com/en/lyrics/szukaj-swajo" locale: en meta: "og:description": "Explore the complete lyrics for \"Шукай Сваё\" by Biaz Nazvy. Album contains 9 songs with full lyrics." "og:image": "https://biaznazvy.com/img/album/bn_album_4.webp" "og:image:alt": "\"Шукай Сваё\" - Biaz Nazvy Album Cover" "og:image:height": "1935" "og:image:width": "1935" "og:title": "\"Шукай Сваё\" - Biaz Nazvy Lyrics" --- > Index of every page on this site: [llms.txt](https://biaznazvy.com/llms.txt) [Back](https://biaznazvy.com/en/lyrics) ### Шукай Сваё - 1 Цені - 2 Гладыятары - 3 Паралельны свет - 4 Попел - 5 Вышыня - 6 Вяртанне - 7 Палюсы - 8 Сапраўдны - 9 Шукай сваё ## **Цені** Будзе ноч — і прыйдзе дзень, І пабачыш ты свой цень. Ён паўсюдна за табой, Не адыходзіць ён. Не хавайся ў яго Дзеля шчасця сваяго — Ён схавае, праглыне, Пойдзеш пад адхон. Ценяў шмат паўсюль — іх не пужайся, Спяць яны пакуль — ты нараджайся. Ценяў шмат — адкуль яны бяруцца? Ценяў шмат паўсюль. Не выходзіш ты ў свет, І кватэра — твой сусвет. Цень цябе забіў зусім — Перамог сабой. Ты знайдзі сябе ў ім І адчуй той цудны ўздым. Вырві сэрца з кайданоў Уласнаю рукой. Ценяў шмат паўсюль — іх не пужайся, Спяць яны пакуль — ты нараджайся. Ценяў шмат — адкуль яны бяруцца? Ценяў шмат паўсюль. Ценяў шмат паўсюль — іх не пужайся, Спяць яны пакуль... Ценяў шмат паўсюль — іх не пужайся, Спяць яны пакуль — ты нараджайся. Ценяў шмат — адкуль яны бяруцца? Ценяў шмат паўсюль. ## **Гладыятары** Натоўп ужо раве, відовішча чакае Сёння ўсіх. Хто з іх жа выжыве, з тых гладыятараў, Усім чужых. У вачах — надзея, што яшчэ не час Гэтай быць падзеі ў апошні раз. Смяюцца і крычаць, і разам апладуюць Гучна ўсе. Ну што за людзі-людзі-людзі — ім не верце, Іх подых будзе-будзе шляхам смерці. Гэта ім падабаецца. І не аднойчы, двойчы, тройчы лёс знікае, За гэтым сочыць-сочыць пільна зграя — Жахліва ўсміхаецца. Рамеснік і гандляр спрачаюцца — Хто пераможа з іх? І глядзяць, Чакаюць усе ахвяр. А гладыятараў жыццё іх не хвалюе аніяк, Таму і застаецца што — маўчаць, І маўчаць, і маўчаць. Ну што за людзі-людзі-людзі — ім не верце, Іх подых будзе-будзе шляхам смерці. Гэта ім падабаецца. І не аднойчы, двойчы, тройчы лёс знікае, За гэтым сочыць-сочыць пільна зграя — Жахліва ўсміхаецца. ## **Паралельны свет** Позіркам гэтым я дасягаю месцаў тых, Дзе б’юцца сэрцы, душы смяюцца гучна ўслых. Там, дзе ў люстэрка кожны з нас мае ўваход, Нашыя думкі там сабіраюць карагод. Наш паралельны свет — ілюзорны і нябачны, Галоўнае імпэт нам усё тут растлумачыў. Растлумачыў. Хутка скідаем свае абалонкі ў начы, І для сябе мы будзем, напэўна, гледачы. Нашае Я — яно рознае вельмі, бачыш ты. Свет свой шукай і сябе — ў гэтым свеце ты заўжды... Наш паралельны свет — ілюзорны і нябачны, Галоўнае імпэт нам усё тут растлумачыў. Ты зразумей усіх — і, напэўна, будзе лёгчай. Ёсць цеплыня і ў тых, у каго быў позірк воўчы. Позірк воўчы. Зноўку крок — і зноўку свет За люстэркам будзе наш, Гэты паралельны свет... Наш паралельны свет — ілюзорны і нябачны, Галоўнае імпэт нам усё тут растлумачыў. Ты зразумей усіх — і, напэўна, будзе лёгчай. Ёсць цеплыня і ў тых, у каго быў позірк воўчы. Позірк воўчы. Наш паралельны свет! ## **Попел** Мы з табою так любілі подых дня, Кроплі вуснамі лавілі цёплыя. Бачылі сваё ў вочах адбіццё І ляцелі цераз ночы ў жыццё. Попел шэрых дзён Паветра рэжа, І вясною ён нясе снежань. Попел шэрых дзён, можа, хопіць? Ён паўсюдна, ён — гэты попел. Мы рукамі бралі хвалі за цуглі, І хаваць, што так жадалі, не маглі. Мы расою мылі неба, ўсё для нас, Але болей не патрэбны нам той час. Попел шэрых дзён Паветра рэжа, І вясною ён нясе снежань. Попел шэрых дзён, можа, хопіць? Ён паўсюдна, ён — гэты попел. Чытаеш між радкоў, а сэнс знікае, І позірк маякоў ужо не асвятляе. Попел шэрых дзён Паветра рэжа, І вясною ён нясе снежань. Попел шэрых дзён, можа, хопіць? Ён паўсюдна, ён — гэты попел. ## **Вышыня** Калі ў крыві адрэналін, Не існуе тады прычын Не граць жыццём, жыццём сваім. І вось па горах лазіш ты, Шукаеш для сябе матыў, І разумееш, сэнс у чым. Калі твой замірае дух І не спыняеш ты свой рух, Толькі ўверх! Усё хутчэй! Няхай становіцца цяжэй! Вышыня! Такая блізкая цяпер, І ты на ёй, і ў яе вер! Вышыня! Я так яе даўно чакаў, Я быць на ёй заўжды жадаў! І калі нехта за спіной Нясе цябе, нясе з сабой, Ты ўзбіраешся вышэй. Калі кавалак зямлі знік, Тады ўжо так блізка пік, І нават сонца тут ярчэй. І небяспечны кожны крок, Але сябе ты перамог, І небасхіл перад табой Стаў ужо існасцю тваёй. Калі твой замірае дух, І не спыняеш ты свой рух, Толькі ўверх! Усё хутчэй! Няхай становіцца цяжэй! Вышыня! Такая блізкая цяпер, І ты на ёй, і ў яе вер! Вышыня! Я так яе даўно чакаў, Я быць на ёй заўжды жадаў! ## **Вяртанне** Я пад сабою бачу акіян, Гадзіны доўжацца — і я не сплю. Не зразумелы мой паўночны стан, Я гляджу праз шкло, я лячу сюды. Гэта дэжавю — сабе пяю. Ла-ла-ла-ла-ла-ла-лай, Ла-ла-ла-лай, Ла-ла-ла-ла, Ла-ла-лай! Тут усё роднае такое мне — І дыхаць лепей, і хадзіць мякчэй. Тут позірк маці за душу кране, Тут усмешак цуд, тут мае сябры. З імі мне лягчэй — і я пяю. Ла-ла-ла-ла-ла-ла-лай, Ла-ла-ла-лай, Ла-ла-ла-ла, Ла-ла-лай! ## **Палюсы** Мы — розныя палюсы, не датыкаемся, І мерыдыянамі прасякнем зямлю. Шаўковыя валасы кагосьці кранаюцца, І вецер шукае ў іх ахвяру сваю. Ідзі за ім услед, Нясі святло ў свет. Там, дзе мінус на плюс, Там, дзе кропкі і коскі Трымаюць час. Я сцялю свой абрус На век гэты кароткі — Для вас, для вас. Там, дзе мора і неба Сустракаюцца разам — Няма мяжы. Вось туды і патрэбна, Там — пытанні ў адказах. Нярвовымі хвалямі жыццё ахінаю я, І рознымі думкамі сціскаю абшар. Я нешта намаляваў недасягальнае, Па ветру яго пусціў — у глыбіню мар. Ідзі за ім услед, Нясі святло ў свет. Там, дзе мінус на плюс, Там, дзе кропкі і коскі Трымаюць час. Я сцялю свой абрус На век гэты кароткі — Для вас, для вас. Там, дзе мора і неба Сустракаюцца разам — Няма мяжы. Вось туды і патрэбна, Там — пытанні ў адказах. Бяжы, бяжы, бяжы... ## **Сапраўдны** Яго жыццё кідала ў розныя бакі, Ён быў нікім, але, напэўна, быў усім. За ім цягнуліся шалёныя радкі, Ён быў героем вершаў, быў для іх сваім. Ён быў сапраўдным — патас быў не для яго, Ішоў да мэты і, канешне, дасягаў. Яго ў натоўпе заўважалі аднаго, Прычым натоўп яго зусім не заўважаў. Сапраўдным быць сярод людзей, І быць з іх кожнаму бліжэй — ягоны лёс. Ён падстаўляў плячо, калі ісці не мог, І яго словы неслі толькі цеплыню. Ён шмат паразаў атрымаў і перамог, І тым, хто нізка быў, адкрыў ён вышыню. Ён не хаваўся аніколі за спіну, І розумам ён браў, ніяк не кулаком. Ён праўду ведаў, ведаў усё жыццё адну — Ва ўсіх выпадках — застацца мужыком. Сапраўдным быць сярод людзей, І быць з іх кожнаму бліжэй — ягоны лёс. Сярод людзей сапраўдным быць, І толькі гэтым-гэтым жыць. Такіх і сапраўды не шмат, ты паглядзі — Тых, хто працягне руку ў складаны час. І дзякуй тым, хто тых, сапраўдных, нарадзіў, І што жывуць не для сябе, а дзеля нас. Сапраўдным быць сярод людзей, І быць з іх кожнаму бліжэй — ягоны лёс. Сярод людзей сапраўдным быць, І толькі гэтым-гэтым жыць — заветны лёс. Сярод людзей сапраўдным быць, І толькі гэтым-гэтым жыць. ## **Шукай сваё** Я чамусьці заўжды паміж двух берагоў, І куды ты нясеш мяне, ветразь? Я адзін ля вады, цераз вір я ішоў, Глыбіня павялічвала метры. Сваё шукай, пакуль ты ёсць, І адчувай, хто свой, хто госць. Толькі госць. Мая лодка плыве, і калыша яе, Я ніякіх прыпынкаў не маю. І ў маёй галаве велізарны сумнеў На двубой з ім мяне выклікае. Сваё шукай, пакуль ты ёсць, І адчувай, хто свой, хто госць. Толькі госць. Баюся стаміцца, і моцы не хопіць Мінуць навальніцу — як гэта маркоціць. Але разумею, сваё я шукаю, Яно абагрэе, я рацыю маю. Сваё я шукаю, Я рацыю маю, маю, маю, маю... Я чамусьці заўжды паміж двух берагоў, І куды ты нясеш мяне, ветразь?.. ```json {"@context":"https://schema.org","@type":"MusicAlbum","name":"Шукай Сваё","description":"Explore the complete lyrics for \"Шукай Сваё\" by Biaz Nazvy. Album contains 9 songs with full lyrics.","url":"https://biaznazvy.com/en/lyrics/szukaj-swajo","image":"https://biaznazvy.com/img/album/bn_album_4.webp","byArtist":{"@type":"MusicGroup","name":"Biaz Nazvy","url":"https://biaznazvy.com"},"track":[{"@type":"MusicRecording","name":"Цені","position":1,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Гладыятары","position":2,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Паралельны свет","position":3,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Попел","position":4,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Вышыня","position":5,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Вяртанне","position":6,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Палюсы","position":7,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Сапраўдны","position":8,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Шукай сваё","position":9,"byArtist":{"@type":"MusicGroup","name":"Biaz Nazvy"}}],"publisher":{"@type":"Organization","name":"Biaz Nazvy","url":"https://biaznazvy.com","logo":{"@type":"ImageObject","url":"https://biaznazvy.com/img/og-image.webp"}}} ``` ```json {"@context":"https://schema.org","@graph":[{"@id":"https://biaznazvy.com/en#website","@type":"WebSite","name":"Biaz Nazvy","url":"https://biaznazvy.com/en","workTranslation":[{"@id":"https://biaznazvy.com/be#website"},{"@id":"https://biaznazvy.com/pl#website"}]},{"@id":"https://biaznazvy.com/en/lyrics/szukaj-swajo#webpage","@type":"WebPage","description":"Explore the complete lyrics for \"Шукай Сваё\" by Biaz Nazvy. Album contains 9 songs with full lyrics.","name":"Шукай Сваё","url":"https://biaznazvy.com/en/lyrics/szukaj-swajo","isPartOf":{"@id":"https://biaznazvy.com/en#website"},"potentialAction":[{"@type":"ReadAction","target":["https://biaznazvy.com/en/lyrics/szukaj-swajo"]}]}]} ``` ## Sitemap See the full [sitemap](https://biaznazvy.com/sitemap.md) for all pages.