--- title: "Acoustic | Biaz Nazvy" description: "Explore the complete lyrics for \"Acoustic\" by Biaz Nazvy. Album contains 6 songs with full lyrics." canonical_url: "https://biaznazvy.com/en/lyrics/acoustic" locale: en meta: "og:description": "Explore the complete lyrics for \"Acoustic\" by Biaz Nazvy. Album contains 6 songs with full lyrics." "og:image": "https://biaznazvy.com/img/ep/bn_ep_1.webp" "og:image:alt": "\"Acoustic\" - Biaz Nazvy Album Cover" "og:image:height": "1500" "og:image:width": "1500" "og:title": "\"Acoustic\" - Biaz Nazvy Lyrics" --- > Index of every page on this site: [llms.txt](https://biaznazvy.com/llms.txt) [Back](https://biaznazvy.com/en/lyrics) ### Acoustic - 1 Не трывай - 2 Мэты-мары - 3 Напрыканцы - 4 На ростанях - 5 Паэтам... - 6 Цягнік ## **Не трывай** Рукой, як фарбай яркіх дзён, Я намалюю зьнічак сон. Аблокаў сталых цішыню Парушу, прыгнуў у вышыню. І буду там, як на зямлі, Глядзець на сонца прамяні, Шукаць цябе, ці можа не... Ня трэба, не будзі мяне! Не трывай мяне ў сне! Не будзі мяне ў сне! Не трывай мяне ў сне! Не будзі мяне! Ракой, праз водбліскі дажджоў, Краіну мараў я знайшоў, І плыняй рэдкасных падзей Там захварэў я ад людзей! Не трывай мяне ў сне! Не будзі мяне ў сне! Не трывай мяне ў сне! Не будзі мяне! Азірнуўся з-за аблок і бачу, Як шары пускаюць на ўдачу, І лятуць яны на сустрач ветру, За сабою цягнуць кіламетры. І як кветкі ў небе, расцвітаюць, І пялёсткі па зямлі лятаюць. А навокал вусны ў пацалунках, Адаб’юцца дзесьці ў малюнках. Не трывай мяне ў сне! Не будзі мяне ў сне! Не трывай мяне ў сне! Не будзі мяне! ## **Мэты-мары** Ты — як ахвяра сваёй жа мары, Не можаш уявіць — ёю не пражыць. На сэрцы смутак. Скажы, чаму так? Ты думаў аб адным, але стаў ты кім? Не такім, як усе. Нашы мэты, нашы мары Разбіваюцца аб хмары, Раскрываюцца ў паветры І лятуць насустрач ветру. Нас час мяняе і сам знікае, Ідзе ён параю з нашай мараю. Гады нясуцца і адгукнуцца Калісьці яны нам — адчуеш гэта сам. Нашы мэты, нашы мары Разбіваюцца аб хмары, Раскрываюцца ў паветры І лятуць насустрач ветру. Дзень за днём — і сон знікае, І душа спакой губляе. Мы рамантыкамі былі, Але ўсё ў сабе забілі мы. Нашы мэты, нашы мары... Нашы мэты, нашы мары Разбіваюцца аб хмары, Раскрываюцца ў паветры І лятуць насустрач ветру. Дзень за днём — і сон знікае, І душа спакой губляе. Мы рамантыкамі былі, Але ўсё ў сабе забілі мы. Нашы мэты, нашы мары! ## **Напрыканцы** Прысніўся сон, што недзе Праз сто вякоў, праз сто падзей, Больш сонца не свеціць, Не хоча болей грэць людзей. Вятрам там — рай, вый ды лунай, Пустыя хмарачосаў камяні. Ты разглядай, ты заўважай — Няма нікога на зямлі. У чорнай вадзе светлых надзей Рэшткі даела зграя людзей. Грошы цяклі ў іх гаманцы — Няма людзей напрыканцы. Халодны рэактар, як куля — апошні аргумент, Нас выдаляць заўтра, як лішні, непатрэбны элемент. Надзеі таюць у кнізе той, нібы ў спякоту ледзянцы. Сціскаю я тваю далонь — мы разам тут напрыканцы. У чорнай вадзе светлых надзей Рэшткі даела зграя людзей. Грошы цяклі ў іх гаманцы — Няма людзей напрыканцы. Няма людзей — Напрыканцы. ## **На ростанях** О, гэты позірк цішыні — Яго, напэўна, не спыніць. І не схаваць яго нідзе — Ён не пужаецца людзей. Акамянелая душа Ужо не кліча ў абшар цябе. Плянетаў дзіўны мінуэт Цяпер нябачны болей нам. Мы не глядзім ужо на свет, Пужаемся жыццёвых плям, Хаваем вочы ў слязах І нараджаем новы жах — Свой жах. А мы на ростанях ізноў, Гэтых заблытаных шляхоў. Знікаем мы — нас не знайсці У гэтай рэчаіснасці. Мы зачыняем дзверы ў сны, Нам не патрэбныя яны. І не патрэбны нават мы сабе. Не б’юцца сэрцы, як раней, Мы ад жыцця бяжым хутчэй, хутчэй. Раскрыжаванне мар — у чым?! І мы тут болей не прычым. Там, дзе гавораць — мы маўчым, З нагоды тысячы прычын. Знікаем мы. Знікаюць нас. І знікне ўсё ў пэўны час — Той час. А мы на ростанях ізноў, Гэтых заблытаных шляхоў. Знікаем мы — нас не знайсці У гэтай рэчаіснасці. Знікаем мы — нас не знайсці! Знікаем! ## **Паэтам...** Адчыняюцца вокны на высокіх паверхах, Вылятаюць паэты да таго, хто там зверху. І не спыніш ты іх, не зробіш нічога — Гэта звыклая рэч: шлях паэтаў да Бога. Гэты край безнадзейны асвятлялі ды грэлі, І праз рыфмы і рытмы на рэальнасць глядзелі. Але ўсё, як заўсёды, — іх тут не прызналі, І яны ўжо далёка, і яны ўжо не з намі. Яны стваралі свой час, лятелі стрэлы іх фраз Проста ў душы — праз вочы. Яны і зараз лятуць, іх можна ў сэрцы адчуць, Калі толькі захочаш. І паміж радкоў чытаеш іхні лёс — Вечны, сумны лёс паэтаў. Нібы промнямі мы працятыя наскрозь, Словам светлым. У начы ты запаліш адзінокую свечку, Два радкі прачытаеш — і наблізіцца вечнасць. І тады зразумееш таямніцы-сакрэты, Гэтым полымем чыстым неспадзеўна сагрэты. Радасць, роспач, надзея, падманутая вера — Усе пачуцці — радкамі на малюткай паперы. Ты адчуў сваё сэрца, што паскорана б’ецца У сумоўі — сугучна з паэтавым сэрцам. Яны разбураць твой сон, ты чуеш велічны звон, Бачыш цені паэтаў. Яны заўжды між людзей, яны ў віры падзей — Ты памятай пра гэта. І паміж радкоў чытаеш іхні лёс — Вечны, сумны лёс паэтаў. Нібы промнямі мы працятыя наскрозь, Словам светлым. Адчыняюцца вокны на высокіх паверхах, Вылятаюць паэты да таго, хто там зверху. І не спыніш ты іх, не зробіш нічога — Гэта звыклая рэч: шлях паэтаў да Бога... І паміж радкоў чытаеш іхні лёс — Вечны, сумны лёс паэтаў. Нібы промнямі мы працятыя наскрозь, Словам светлым. Словам светлым!.. ## **Цягнік** Грукоча ў ночы цягнік Я еду ўсё далей у цемру. Вось горад з’явіўся і знік, І я ўжо не ведаю, дзе мы. Здаецца, вось-вось і прыпынак — Дык не, памыліўся я зноў. Стаміўся я, дзе адпачынак? Дзе гоман маіх гарадоў? Бадзянне, блуканне ў ночы, Няўжо я не ўбачу прамень? Няўжо не адкрыем мы вочы? Няўжо не адкрыем мы вочы? Няўжо мы не ўстанем з кален? Дык нешта ўсё цёмна і цёмна. Калі мы асветлімся зноў? Калі закрычым у голас поўны Сярод беларускіх бароў? Цягнік усё далей і далей Ад роднай старонкі мае, Якую мы ўсе паважаем, Хоць зараз яна і ў сне. Бадзянне, блуканне ў ночы, Няўжо я не ўбачу прамень? Няўжо не адкрыем мы вочы? Няўжо не адкрыем мы вочы? Няўжо мы не ўстанем з кален? І зноўку грукоча цягнік, Зноў еду ўсё далей у цемру. Зноў горад з’явіўся і знік, І я ўжо не ведаю, дзе мы. Бадзянне, блуканне ў ночы, Няўжо я не ўбачу прамень? Няўжо не адкрыем мы вочы? Няўжо не адкрыем мы вочы? Няўжо мы не ўстанем з кален? З кален, з кален... ```json {"@context":"https://schema.org","@type":"MusicAlbum","name":"Acoustic","description":"Explore the complete lyrics for \"Acoustic\" by Biaz Nazvy. Album contains 6 songs with full lyrics.","url":"https://biaznazvy.com/en/lyrics/acoustic","image":"https://biaznazvy.com/img/ep/bn_ep_1.webp","byArtist":{"@type":"MusicGroup","name":"Biaz Nazvy","url":"https://biaznazvy.com"},"track":[{"@type":"MusicRecording","name":"Не трывай","position":1,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Мэты-мары","position":2,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Напрыканцы","position":3,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"На ростанях","position":4,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Паэтам...","position":5,"byArtist":{"@type":"MusicGroup","name":"Biaz Nazvy"}},{"@type":"MusicRecording","name":"Цягнік","position":6,"byArtist":{"@type":"MusicGroup","name":"Biaz Nazvy"}}],"publisher":{"@type":"Organization","name":"Biaz Nazvy","url":"https://biaznazvy.com","logo":{"@type":"ImageObject","url":"https://biaznazvy.com/img/og-image.webp"}}} ``` ```json {"@context":"https://schema.org","@graph":[{"@id":"https://biaznazvy.com/en#website","@type":"WebSite","name":"Biaz Nazvy","url":"https://biaznazvy.com/en","workTranslation":[{"@id":"https://biaznazvy.com/be#website"},{"@id":"https://biaznazvy.com/pl#website"}]},{"@id":"https://biaznazvy.com/en/lyrics/acoustic#webpage","@type":"WebPage","description":"Explore the complete lyrics for \"Acoustic\" by Biaz Nazvy. Album contains 6 songs with full lyrics.","name":"Acoustic","url":"https://biaznazvy.com/en/lyrics/acoustic","isPartOf":{"@id":"https://biaznazvy.com/en#website"},"potentialAction":[{"@type":"ReadAction","target":["https://biaznazvy.com/en/lyrics/acoustic"]}]}]} ``` ## Sitemap See the full [sitemap](https://biaznazvy.com/sitemap.md) for all pages.